Os encoros da Confederación Hidrogáfica do Miño-Sil están a máis de 67 % de capacidade
A Confederación Hidrográfica do Miño-Sil, Organismo autónomo dependente do Ministerio para a Transición Ecolóxica e o Reto Demográfico, fai balance do ano hidrolóxico 2024-2025 que termina cos encoros ao 67,16% da súa capacidade, o que supón un 12,45% por encima da media histórica
“A pesar de que as precipitacións foron escasas nos últimos meses, de xuño a setembro, a reserva de auga embalsada atópase en máximos para a data, e tanto os niveis pezométricos como os caudais fluíntes nos ríos da Demarcación mantéñense en valores en torno á media histórica para esta época do ano” explicou o presidente.
Desde o 1 de outubro de 2024, rexistrou na Demarcación Miño-Sil unha precipitación acumulada anual media de 1.036,4 l/m2, un 9,5 % por baixo da media histórica de referencia, serie 1980/81 - 2017/18 que presenta un valor media de 1.144,8 l/m2.
En consecuencia, a precipitación do ano hidrolóxico 2024/25 pode ser categorizada como “normal”; analizando a distribución mensual, poden destacarse os meses de xaneiro e abril como moi húmidos; outubro húmido; marzo e maio normais; novembro, febreiro e setembro secos; e decembro, xuño, xullo e agosto moi secos.
Debido a esta distribución da precipitación anual os eventos de avenida foron de baixa entidade e non produciron danos materiais destacables. Os principais eventos foron o 19 - 21 de outubro, 26 - 31 de xaneiro e 19 - 21 de abril.
Encoros
Respecto á auga embalsada na Demarcación, os encoros da conca Miño-Sil e Limia atópanse ao peche do ano hidrolóxico (29/09/2025) ao 67,16 % da súa capacidade máxima. Este volume é un 2,98 % maior que a cantidade de auga embalsada hai un ano, 64,17 %, e un 12,45 % maior que a enchida media histórica nestas datas, 54,71 %.
A pesar de que a precipitación anual foi inferior á media, o volume actual a fin de ano hidrolóxico representa o valor máis elevado da serie histórica (1999/00 - 2023/24). Este alto valor é consecuencia fundamentalmente da menor taxa de descenso da reserva de auga embalsada rexistrada desde o mes de xuño, probablemente debido a unha menor demanda do seu uso para produción enerxética.
No relativo aos caudais circulantes na Demarcación, a peche de ano hidrolóxico, 30 de setembro, atópanse en valores próximos á media histórica un 1,6 % por baixo. Ao peche do ano hidrolóxico anterior, 2023/24, os caudais estaban un 95,4 % por encima da media histórica.
Respecto a os niveis pezométricos nas nosas augas subterráneas, pechouse en valores practicamente iguais á media, un 2,5 % por baixo da media.