Deportes

O equipo júnior galego impúxose na prestixiosa challenge lusa tanto na clasificación individual, con José Salgueiro, como por equipos. Os padroneses suman xa dez vitorias esta tempada.

Dous novos títulos para o palmarés de Picusa Academy. No seu segundo ano como equipo júnior, a escuadra galega logrou por primeira vez a Taça de Portugal, tanto a nivel individual coma colectivo. O portugués José Salgueiro proclamouse campión tras vencer na terceira proba puntuable, celebrada este sábado entre Penafiel e o Santuário da Franqueira. O domingo, os ciclistas dirixidos por Djamel Avendaño controlaron a última carreira e certificaron tamén a vitoria por equipos.

Salgueiro atacou na subida final e impúxose en solitario, mentres que o brasileiro Dimas Mota foi segundo na última xornada, na etapa entre Barcelos e Penafiel. Con este resultado, Picusa Academy rubricou un triunfo que era un dos grandes obxectivos da tempada. En total, o equipo suma xa dez vitorias individuais no que vai de ano.