Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
As altas volven dar un xiro en positivo aos datos da covid, que volven baixar significativamente malia o aumento de casos novos debido aos gromos activos en Monforte e Barreiros, principalmente.
Así, hoxe hai 1.235 casos activos, 47 menos que onte, cunha rexistro de 111 novos positivos e 157 altas. Onte a baixada foi de 5 casos, con 97 novos enfermos e 101 altas.
Ademais, dende que comezou a pandemia, no mes de marzo do pasado ano, hai 18.167 casos rexistrados e 231 persoas falecidas, 14 nesta quinta vaga. É un deceso máis que fai 24 horas e tratase dun home de 87 anos de Lugo.
A presión hospitalaria baixa de novo. Hai 31 persoas ingresadas (2 menos) en catro hospitais. Na UCI do Hula hai 6 e nas diferentes plantas son 25 os enfermos (2 menos); 20 están no de Lugo (2 menos), 2 na Mariña, 2 en Monforte e 1 no Polusa.
MAPA DE RESTRICIÓNS
O sistema de alerta (que cambiou hoxe) está establecido en 4 niveis do seguinte xeito:
- En alerta máxima: ningún.
- En alerta alta: Rábade.
- No nivel medio: Mondoñedo, Monforte de Lemos, Sarria, Monterroso, Viveiro, Ribadeo, Barreiros, Chantada, Lugo e Outeiro de Rei.
- No nivel baixo: o resto de concellos.
POR COMARCAS
A situación en xeral tende á baixa en case todos os concellos, agás nos que hai gromos como Barreiros e Monforte. Destaca especialmente a baixada en Lugo capital mentres que a maior parte dos concellos que estaban limpos de covid volven ter algún caso, como lle sucedeu a O Corgo, Ribeira de Piquín, Bóveda ou O Incio. A Mariña acelera a súa recuperación.
A Mariña
- A Pontenova, con menos de 10.
- Alfoz segue con 10.
- Barreiros reduce a 11 (1 menos).
- Burela ten 19 (1 menos).
- Cervo, menos de 10 casos.
- Foz baixa a 20 casos, 1 menos.
- Lourenzá volve ter casos pero por debaixo de 10.
- Mondoñedo volve estar por debaixo de 10.
- O Valadouro cae por debaixo de 10 casos.
- O Vicedo, con menos de dez.
- Ourol xa está sen casos na última semana.
- Ribadeo baixa 2 ata 36.
- Riotorto, con menos de 10.
- Trabada, menos de 10 casos.
- Viveiro, 50 casos, 2 menos.
- Xove, menos de 10.
Terra Chá
- A Pastoriza sobe a 12 casos (2 máis).
- Abadín, menos de 10.
- As Pontes baixa 2 ata 13.
- Begonte sobe a 17 (1 máis).
- Castro de Rei sobe 3 ata 25.
- Cospeito sobe 1 ata 11.
- Friol, sen casos nunha semana.
- Guitiriz segue en 16.
- Meira, con menos de 10 casos.
- Muras, sen positivos dende hai máis de quince días.
- Outeiro de Rei reduce 1 caso ata 17.
- Pol, menos de 10.
- Rábade reduce 1 ata 18.
- Vilalba rebaixa a 27, 7 menos.
- Xermade, menos de 10.
Comarca de Sarria
- Láncara, por debaixo dos 10 casos.
- O Incio volve ter algún caso.
- O Páramo, menos de 10 casos.
- Paradela volve ter casos, por debaixo de 10.
- Samos, menos de 10 casos.
- Sarria sobe 1 caso ata 41.
- Triacastela, menos de 10 casos.
Centro da provincia
- A Fonsagrada queda xa por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla sobe a 12 casos (2 máis).
- Baleira, con menos de 10 casos.
- Becerreá, con menos de 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos en quince días.
- Lugo, malia o gromo, reduce ata 360 casos, 48 menos.
- Monterroso sobe a 12, 1 máis.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo volve ter algún caso.
- Palas de Rei volve ter algún caso.
- Pedrafita, con menos de 10 casos.
- Portomarín, sen novos casos nunha semana.
- Ribeira de Piquín volve ter algún caso.
Ribeira Sacra
- A Pobra de Brollón cae por debaixo de 10 casos.
- Bóveda volve ter algún caso.
- Carballedo leva xa unha semana sen casos.
- Chantada reduce a 30 (1 menos).
- Folgoso do Courel volve ter algún caso.
- Monforte sobe 22 casos ata 115 casos debido ao gromo.
- O Saviñao, menos de 10 casos.
- Pantón, con menos de 10 casos.
- Quiroga, menos de 10 casos.
- Ribas de Sil, sen casos en quince días.
- Sober, menos de 10 casos.
- Taboada leva sen casos unha semana.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
