Segue a baixada de casos activos na quinta vaga

Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.

Os casos activos continúan baixando este mércores grazas ás altas e que baixaron os novos contaxios, tamén baixou a hospitalización en planta e subiu na UCI.  Así, hoxe hai 1.758 casos activos, o que supón 76 menos que onte. Esta cifra obtense polos 68 novos enfermos que sumaron en 24 horas e as 142 altas.

Ademais, dende que comezou a pandemia, no mes de marzo do pasado ano, hai 17.368 casos rexistrados e 224 persoas falecidas, sete nesta quinta vaga.

A presión hospitalaria baixou. Hai 45 persoas ingresadas (1 menos) nos catro hospitais. Na UCI do Hula hai 8 e nas diferentes plantas son 37 os enfermos (2 menos); 21 están no de Lugo (2 menos), 9 na Mariña (os mesmos), 6 en Monforte (os mesmos) e 1 no Polusa (o mesmo).

CAMBIO DE RESTRICIÓNS

O sistema de alerta vixente modificarase as 00.00 horas do vindeiro sábado 14 de agosto, sendo o actual como se explica a continuación:

• En alerta máxima: Burela, Foz, Viveiro e Monterroso.
• En alerta alta: Lugo, Chantada, Monforte, Cervo, Ribadeo, Xove e Palas de Rei.
• No nivel medio están Sarria, Vilalba, Mondoñedo, Barreiros, Cospeito, Outeiro de Rei e As Pontes

POR COMARCAS

A tendencia en toda a provincia de Lugo segue sendo a de baixada na que destaca A Mariña xa que baixan os casos activos en todos os concellos e a comarca de Sarria que se mantén estable e incluso baixan os casos na propia vila.

A Mariña

Centro da provincia

• A Fonsagrada sobe 2 ata 18.
• Antas de Ulla menos de 10.
• As Nogais está sen casos nos últimos quince días.
• Baralla, con menos de 10 casos.
• Baleira, con menos de 10 casos.
• Becerreá, con menos de 10 casos.
• Castroverde, con menos de 10 casos.
• Cervantes, con menos de 10 casos.
• Guntín con menos de 10 casos.
• Lugo baixa 28 casos ata os 576.
• Monterroso baixa 2 casos ata 18 casos.
• Navia de Suarna, menos de 10 casos.
• Negueira de Muñiz sen casos na última semana.
• O Corgo con menos de 10 casos.
• Palas baixa a 20, 4 menos.
• Pedrafita, sen casos na última semana.
• Portomarín, con menos de 10 casos.
• Ribeira de Piquín, sen novos casos nunha semana.

Ribeira Sacra

• Monforte baixa 2 ata 72.
• Chantada baixa 6 ata 35 casos.
• Quiroga segue en 14
• Sober, segue en 11.
• A Pobra de Brollón sobe 2 ata os 20 casos.
• Carballedo menos de 10 casos.
• O Saviñao 10 casos.
• Bóveda menos de 10 casos.
• Taboada segue en 12.
• Pantón, sen novos casos nunha semana.
• Ribas de Sil, sen casos en quince días.
• Folgoso do Courel sen casos en quince días.

AS RESTRICIÓNS

Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.

Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.

Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.

Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.

En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.

Non haberá peche perimetral en ningún dos concellos.