Tres falecidos máis nunha nova xornada de baixada

Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.

A covid recupera a senda do descenso dos últimos días cunha baixada de casos novos, activos e hospitalización mentres se suman tres novos falecidos na provincia.

Así, hoxe hai 1.287 casos activos, 57 menos que onte, cunha rexistro de 60 novos positivos e 117 altas. Onte a subida foi de 14 casos, con 100 novos enfermos e 82 altas.

Ademais, dende que comezou a pandemia, no mes de marzo do pasado ano, hai 17.960 casos rexistrados e 230 persoas falecidas, 13 nesta quinta vaga. Son tres máis que a xornada anterior. Así, faleceron dúas mulleres, unha de 85 anos na residencia de maiores de Ribadeo, outra de 89 no hospital de Burela, e un home de 93 no de Monforte.

A presión hospitalaria baixa de novo lixeiramente. Hai 35 persoas ingresadas (2 menos) en catro hospitais. Na UCI do Hula hai 6 (1 menos) e nas diferentes plantas son 29 os enfermos (1 menos); 25 están no de Lugo (3 máis), 1 na Mariña (2 menos), 2 en Monforte (2 menos) e 1 no Polusa.

CAMBIO DE RESTRICIÓNS

O sistema de alerta (que cambiará este sábado) está establecido en 3 niveis do seguinte xeito:

• En alerta máxima: ningún.
• En alerta alta: Viveiro, Burela, Foz, Ribadeo, Xove, Chantada, Lugo e Outeiro de Rei.
• No nivel medio: Cervo, Mondoñedo, Monforte de Lemos, Sarria, Monterroso, Palas de Rei, Cospeito, Guitiriz, Vilalba e As Pontes.
• No nivel baixo: o resto de concellos.

POR COMARCAS

Continúa a tendencia á baixa en todos os concellos. Destaca especialmente Lugo, que segue á baixa, malia o gromo das Gándaras que segue dando positivos. Os poucos concellos que soben faino moi lixeiramente.

A Mariña

Centro da provincia

• A Fonsagrada queda xa por debaixo dos 10 casos.
• Antas de Ulla, con menos de 10 casos.
• As Nogais, sen casos nos últimos quince días.
• Baralla volve ter 10 casos.
• Baleira, con menos de 10 casos.
• Becerreá, con menos de 10 casos.
• Castroverde, con menos de 10 casos.
• Cervantes, con menos de 10 casos.
• Guntín, sen casos na última semana.
• Lugo, malia o gromo, reduce ata 408 casos, 18 menos.
• Monterroso rebaixa a 11, 2 menos.
• Navia de Suarna, menos de 10 casos.
• Negueira de Muñiz, sen casos en quince días.
• O Corgo, sen casos na última semana.
• Palas de Rei, sen casos na última semana.
• Pedrafita, con menos de 10 casos.
• Portomarín, sen novos casos nunha semana.
• Ribeira de Piquín, sen novos casos en quince días.

Ribeira Sacra

• A Pobra de Brollón reduce a 17 (5 menos).
• Bóveda, sen novos casos nunha semana.
• Carballedo, menos de 10 casos.
• Chantada baixa a 29 (3 menos).
• Folgoso do Courel, sen casos en quince días.
• Monforte sobe 5 ata 67 casos.
• O Saviñao, menos de 10 casos.
• Pantón, con menos de 10 casos.
• Quiroga, menos de 10 casos.
• Ribas de Sil, sen casos en quince días.
• Sober, menos de 10 casos.
• Taboada segue con 10 casos.

AS RESTRICIÓNS

Nas zonas de nivel máximo non se poderá servir nos interiores dos locais de hostalaría e ocio nocturno.

Nas de nivel alto, o aforo será do 30% en interior e do 50% no exterior e o ocio nocturno interior permanecerá pechado e unicamente terán servizo nas terrazas ao aire libre, para o consumo e o servizo sentado na mesa, co 50% da capacidade máxima permitida.

No nivel medio a limitación no interior e na terraza será do 50%, e no ocio nocturno será de 30% no interior e do 50% no exterior.

Por último, no nivel medio-baixo a restrición no interior será de 50% e na terraza ao aire libre do 100%. No ocio nocturno será de 30% no interior e do 50% no exterior.

Non haberá peche perimetral en ningún dos concellos.

En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.