Un único positivo novo e descenso de ingresados é o balance das últimas horas
Nova xornada de contención do virus co rexistro este luns de 193 os activos, 5 menos que onte. Na xornada anterior o descenso foi de 18.
De feito, diagnosticaron nas últimas 24 horas 1 caso novo (onte foron 6). Ademais, as altas chegaron ás 11.548, 8 en 24 horas, o día anterior foron 22.
Dende que comezou a pandemia, no mes de marzo do pasado ano, hai 11.957 casos rexistrados e 211 persoas falecidas.
A presión hospitalaria continúa a lenta redución. Na UCI do Hula hai 3 persoas ingresadas, e en planta son 11 os enfermos (2 menos), 9 no hospital de Lugo, 2 en Burela e Monforte queda libre de enfermos.
POR COMARCAS
A Mariña
Xornada sen cambios. Incidencia mínima en Viveiro, Burela, Riotorto e Xove.
- Sen casos novos en 15 días están: Trabada, Ourol, O Vicedo, Cervo, Barreiros, Foz, Alfoz, O Valadouro, Mondoñedo e A Pontenova.
- Na última semana tampouco tiveron Lourenzá e Ribadeo.
Terra Chá
A comarca mantén unha incidencia mínima en Xermade, Outeiro, Friol, Guitiriz e Vilalba.
- Guitiriz segue por debaixo de dez casos pero en alerta media malia ter xa unha incidencia por debaixo.
- No veciño Concello das Pontes están en 12 casos, 1 máis.
- Sen casos nos últimos quince días están: Pol, Abadín, Cospeito, Muras, A Pastoriza, Rábade e Meira.
- Begonte e Castro de Rei sen casos novos na última semana.
Centro da provincia
A comarca mantén a incidencia de casos estable en relación á fin de semana.
- Lugo segue en 32 positivos.
- Limpos de covid nos últimos quince días están: A Fonsagrada, Pedrafita do Cebreiro, Negueira de Muñiz, Navia, Cervantes, Ribeira de Piquín, Becerreá, As Nogais, Portomarín e Baralla, Baleira e Guntín.
- Sen casos os últimos 7 están Palas e O Corgo.
Comarca de Sarria
A situación mellora en Samos, Sarria e Láncara pero segue estable en Paradela.
- Paradela rebaixa dos dez casos e seguirá en máxima alerta con niveis de alta.
- Sarria reduce 1 caso e queda en 20.
- Triacastela, O Incio e O Páramo seguen limpos de covid dende fai semanas.
- Samos e Láncara xa levan unha semana sen novos positivos.
Ribeira Sacra
Monforte suma casos, O Saviñao eleva a incidencia mentres Pantón a rebaixa, xunto con Sober e Chantada e os tres poderían saír da situación de alerta media na que están .
- Monforte ten hoxe 32 casos, 1 máis.
- O Saviñao malia ter menos de 10 casos está con incidencia de nivel medio.
- Pantón está por debaixo dos dez casos e a incidencia segue reducíndose están xa por debaixo dos valores de alerta media.
- Sen casos en quince días: Carballedo, Folgoso do Courel e Ribas de Sil.
- Sen casos nos últimos sete días están Bóveda, A Pobra de Brollón e Sober.