Os concellos de Alfoz e O Valadouro van iniciar un programa de accións contra a violencia de xénero no marco do Pacto de Estado contra a violencia de xénero.
Este programa de accións educativas, financiado con cargo aos créditos recibidos do Ministerio de la Presidencia, Relaciones con las Cortes e Igualdad, a través da Secretaría de Estado de Igualdad, poñerase en marcha no IES Alfoz-Valadouro, que acolle alumnado de ambos concellos.
Como resultado da colaboracións destes dous concellos, os días 13 e 14 de maio levaranse a cabo accións destinadas á erradicación das violencias de xénero e á promoción de relacións igualitarias entre o alumnado da ESO do IES Alfoz-Valadouro.
