Este xoves 1 de outubro regresa Sanci Tapeando coa degustación de diferentes receitas culinarias en 7 locais hostaleiros da vila.
As tapas terán un prezo de 2 euros e haberá premios de dous vales de 180 e 100 euros as mellores fotografías.
A proposta para este primeiro día da nova tempada é degustar un Flamenquín con cebola caramelizada no Café bar O Faro; un Desmigado de peixe no Mesón A Bodega; unhas filloas recheas de ourizo no Café Bar Maruxaina; uns Taquiños de polo con dúas salsas na Cervecería Las Titas e un Bacallau á nata na Terraza O Noso Lar.
A Cervecería O Encontro tamén se suma á iniciativa pero a partir do xoves 15 de outubro incluído.
