A Delegación Municipal de Cultura de Burela, dentro da súa programación cultural, presenta á Cía. Teatro Marionetas Trécola co seu espectáculo Tolitates, que terá lugar no auditorio da Casa da Cultura de Burela o vindeiro sábado, 3 de outubro as 18.30 horas. A entrada será libre.
Tolitates, movido por unha atración se cadra máis tola ca él, sáltase todas as sinais de perigo e escapa da cordura , sen pensar que pode sempre haber alguén máis transgresivo ca él. Un persoeiro que irá atopando situacións e persoaxes absurdas que loitan polo protagonismo nas táboas dun teatro.
Un gran elenco informal e atolondrado que mostra pouco siso e seriedade no modo de actuar, leva ao público á gargallada contínua sen precisar mediar palabra.
Preséntase unha técnica moi novedosa de manipulación mesturando teatro de obxectos, marionetas de fíos, bunraku e guiñol. Revalorízase os títeres e obxectos como protagonistas da dramaturxia, obviandoas palabras fronte á pantomima e a música nun escenario máxico e cheo de segredos no que non se adivina a figura do titititeiro.
A obra está adicada a tódolos públicos e esta representación conta co patrocinio da Rede de Teatros e Auditorios de Galicia a través da AGADIC.
