Barreiros convertirase nun punto de referencia nacional de tríatlon coa celebración, na primeira fin de semana de maio, concretamente os días 30 de abril e 1, 2 e 3 de maior do Campus Trinat Experience III dirixido ao público en xeral, para o que o prazo de inscrición xa está aberto.
Esta terceira edición do Campus Trinat Experience incluirá un acuatlón, rutas en bicicleta e a actividade estrela denominda Tríatlon de Barreiros. Aínda que a actividade estrela será o surf cunha visita á praia das Catedrais.
O Campus, organizado polo Club Trinat e apoiado desde o Concello de Barreiros, incluirá ademais outras actividades complementarias que se presentan como unha oportunidade para a promoción da zona, como a práctica de surf, sendeirismo ou actividades que poderán estar abertas á poboación en xeral sen necesidade de tela practicado previamente ou contar con ficha federativa.
As probas terán distintas distancias para adaptarse ás condicións das persoas participantes ademais dun protocolo adaptado á situación sanitaria, plenamente realizable ao tratarse dun grupo reducido e de actividades ao aire libre.
A inscrición pode facerse a través da web www.clubtrinat.com ou do correo info@clubtrinat.com.
