Un terremoto de magnitude 3,4 deixouse sentir pouco antes das nove da mañá deste domingo, 14 de marzo, no sur da provincia, segundo a información difundida polo Instituto Xeográfico Nacional. O epicentro situouse a 7 quilómetros da Pobra do Brollón e rexistrouse a oito quilómetros de profundidade.
A intensidade do sismo, que se notou en Folgoso do Courel, pero tamén en Quiroga ou Ribas de Sil, foi baixa e non hai que lamentar danos materiais nin persoais.
O Instituto Xeográfico Nacional pon a disposición dos cidadáns un cuestionario macrosísmico a través do que se pode informar sobre o acontecido durante e despois do terremoto.
Grazas a esta vía, os afectados poden axudar á institución pública a recabar información aportando detalles sobre que facían no momento do sismo, se estaban durmidos ou espertos ou se os obxectos se movían ou chegaron a caer ao chan.