O Club Fluvial de Begonte recupera este ano a súa tradicional Festa da Empanada que nesta ocasión coincidirá a fin de semana do 17 e 18 de xullo. A principal diferenza coas celebracións anteriores é que non haberá sesión vermú e verbena.
O sábado están previstas actividades fluviais organizadas pola Deputación nas instalacións do Club Fluvial que terán lugar entre as 16 e as 19.00 horas. Así, haberá inchables, kaiks e paddle surf entre outras.
O domingo é o día reservado para as comidas familiares que non contarán coa tradicional animación musical. Haberá empanada, churrasco e polbo previo encargo no 618 706 800.
