Por Breixo González
Hoxe imos falar dun problema moi común causado por un parásito moi común. Imos falar da Dermatite Alérxica por Picadura de Pulga .
A dermatite alérxica á picadura das pulgas (DAPP) é unha reacción alérxica debida aos antíxenos contidos no cuspe das pulgas. É a afección cutánea máis frecuente en cans e gatos en lugares cálidos e máis ou menos húmidos (costa de Galicia). En zonas cun clima máis duro (como a Terra Chá) adoita ser un proceso estacional, (por desgraza o cambio climático e a subida das temperaturas invernais , está a facer que desapareza esaestacionalidade . Con todo, unha vez establecido o estado alérxico basta unha picadura semanal para o seu mantemento, polo que adoita converterse nun proceso crónico. A infestación por pulgas non conleva necesariamente a unha DAPP, polo que non hai que confundir os dous procesos. A DAPP é rara atopala antes dos 6 meses de idade e adoita presentarse entre o ano e os 3 anos, aínda que algúns autores consideran o período de aparición dos 3 a 5 anos. Os Pastores Alemáns e Bouvier de Flandes parecen estar predispostos a esta clase de alerxia.
A pulga responsable desta dermatite é, na maioría das ocasións, a pulga do gato: Ctenotephalides Felis. Os alérgenos implicados neste cadro atópanse principalmente na saliva da pulga, e son inoculados no paciente cando esta aliméntase. Os animais afectados poden ser tanto caninos como felinos, que habitualmente non foron expostos á picadura da pulga con regularidade.
En cans aparece unha dermatite con picor, con formación de costras e escamas na área dos cadrís e patas de atrás. No abdome adoitan existir lesión tipo pápulas (abultamentos típico das picaduras). O rascado causado pola comezón en casos severos pode orixinar calvas en axilas, ínguas, pescozo e orellas. A seborrea (exceso de graxa) e pioderma (infección bacteriana da pel) secundaria son habituais. En gatos aparecen pápulas costrosas na parte dorsal do corpo, estendéndose cara a pescozo e abdome, con alopecia secundaria e pelos rotos. Tamén se pode manifestar como alopecia simétrica ou como complexo granuloma eosinofílico (un granuloma é unha masa máis ou menos esférica de células inmunes que se forma cando o sistema inmunolóxico tenta illar substancias estrañas que foi incapaz de eliminar).
Agora grazas os os avances da ciencia temos moitos xeitos de combatir as pulgas. As pastillas con base nos insecticidas da familia das isazolinas xa que as pipetas que se empregaron masivamente ata fai uns poucos anos, parece que en algún caso xa non son tan efectivas. O ideal é que en animais alérxicos e en épocas do ano de maior risco , o ideal é empregar máis de un método insecticida (pastilla, colares e pipetas) xunto con repelentes naturais.
