O Concello de Xermade oferta un curso básico de enxerto -un método de propagación vexetativa artificial das plantas- este verán. Así pois, o lugar onde se levará a cabo será no campo da feira de Momán o 14 de agosto e o horario é de 10.00 a 14.00 horas e de 15.00 a 19.00 horas.
O curso ten 10 prazas e está dirixido a todas as persoas que o desexen. Así pois, a inscrición hai que realizala no teléfono 678 744 178 entre o 10 e o 13 deste mes.
Así mesmo, recórdase que se levarán a cabo todas as medidas sanitarias necesarias no momento da realización.
Para máis información pódese consultar coa Deputación de Lugo, así coma co Concello de Castroverde.
