Estanse a realizar obras de reparación no muro de acompañamento da ponte de Pacios da Veiga, na Pobra de Brollón, ás que se destinan 48.300 euros.
Así pois, os traballos de reforzo da estrutura prevese que estean rematados no prazo aproximado de dúas semanas.
Esta ponte sobre o río Cabe forma parte da estrada autonómica LU-653 (que conecta a estación da Pobra do Brollón e Hospital do Incio) e recentemente detectouse un desprendemento puntual no muro situado na marxe esquerda do estribo que fixo necesaria a intervención.
Os traballos inclúen o baleirado do firme e do material do trasdós da parte danada, a execución do novo muro mediante pedra de mampostería grosa, o acondicionamento exterior cun acabado de mampostería vista acorde co resto do muro existente, o recheo do trasdós e a reposición do firme na ponte e nas súas inmediacións, así como dos elementos de defensa, sinalización e balizamento afectados.
Para a realizacións destes traballos é necesario o corte total de tráfico, desviando a circulación o tempo imprescindible por vías públicas; as modificacións están debidamente sinalizadas.
