Skip to main content
Axenda AMARIÑAXAAxenda CaducadaViveiro

Viveiro volve acoller carreiras de cabalos esta fin de semana

Por 17 Setembro, 2021Setembro 20th, 2021Sin comentarios

A vila do Landro acollerá a 2ª Edición das Carreiras de Cabalos Cidade de Viveiro, que terá lugar este domingo, 19 de setembro, no campo de fútbol de Celeiro. O evento celebrara a súa primeira edición en 2019 e retorna cun novo torneo tras a súa suspensión en 2020 por mor da covid-19.

Na presentación estiveron María Loureiro, alcaldesa de Viveiro; César Iglesias, concelleiro de Deportes; e Pedro Pardo, secretario da Asociación Cabaleiros do Landro, entidade que organiza a competición.

Tras o peche das inscricións na competición, 150 cabalos participarán nesta edición das Carreiras de Cabalos.

“Dende o goberno local apostamos por este tipo de citas, que suman valor a Viveiro e atraen a participantes e público a gozar do noso municipio e de Celeiro en concreto”, subliñou María Loureiro, alcaldesa de Viveiro.

As categorías de competición divídense en andadura libre serrada, andadura libre serrada, galope, así como carreiras de pura raza árabe nacional e galega. Nas diferentes categorías repartiranse premios de ata 400 euros, así como trofeos aos tres primeiros clasificados e medalla para o cuarto.

A xornada comezará ás 10:00 coa apertura do recinto e a exposición da maquinaria. A proba seguirá en todo momento os protocolos sanitarios pertinentes tanto entre os participantes como entre o público asistente.