A covid recupera folgos e volve aumentar a súa presenza na provincia en varias frontes, no número de casos activos, hospitalización e defuncións. Os novos contaxios baixan lixeiramente e en maior porcentaxe as altas.
Así, hoxe hai 6.927 casos activos, 217 máis que onte, con 613 novos contaxios e 395 altas. Onte os casos subiron en 100, con 623 novos contaxios e 521 altas.
Ademais, dende que comezou a pandemia, no mes de marzo do 2020, hai 41.813 casos rexistrados e 279 persoas falecidas. Son dúas, unha muller de 52 anos no hospital de Burela e un home de 92 no de Monforte.
A presión hospitalaria increméntase lixeiramente. Na UCI do Hula son 7 os ingresados, mentres en planta son 67 os pacientes (1 máis), 51 no de Lugo (3 máis), 9 na Mariña (1 menos) e 7 en Monforte (1 menos).
POR COMARCAS
Malia que as cifras a nivel xeral falan de crecmento, no reconto concello a concello vese a tendencia á baixa de forma xeralizada. Non hai hoxe subidas destacadas, todas están por debaixo de 10.
E as baixadas seguen sendo destacadas nalgúns concellos como en Lugo con 130 menos, Viveiro con 39, Sarria con 28, Burela con 24, Guitiriz con 23 e Vilalba con 21.
Agora mesmo xa non hai ningún concello limpo de covid e son catro os que teñen menos de dez casos: Negueira de Muñiz, Ribeira de Piquín, As Nogais e Ourol.
A Mariña
- Alfoz: 35 (6 menos).
- A Pontenova: 99 (4 máis).
- Barreiros: 93 (1 menos).
- Burela: 308 (24 menos).
- Cervo: 163 (10 menos).
- Foz: 283 (3 menos).
- Lourenzá: 58 (1 menos).
- Mondoñedo: 112 (4 menos).
- O Valadouro: 81 (7 menos).
- O Vicedo: 38 (5 máis).
- Ourol: Por debaixo de 10.
- Ribadeo: 359 (4 menos).
- Riotorto: 20 (2 máis).
- Trabada: 20.
- Viveiro: 353 (39 menos).
- Xove: 69 (3 menos).
Terra Chá
- Abadín: 49 contaxios (1 menos).
- A Pastoriza: 102 (4 máis).
- As Pontes: 268.
- Begonte: 66 (1 menos).
- Castro de Rei: 109 (9 menos).
- Cospeito: 100.
- Friol: 66.
- Guitiriz: 135 (23 menos).
- Meira: 48 (2 menos).
- Muras: Por debaixo de 10.
- Outeiro de Rei: 128 (4 máis).
- Pol: 21 (4 menos).
- Rábade: 25.
- Vilalba: 427 (21 menos).
- Xermade: 32 (1 menos).
Comarca de Sarria
- Láncara: 58 enfermos (8 máis).
- O Incio: 38 (1 menos).
- O Páramo: 35 (1 máis).
- Paradela: 53.
- Samos: 34 (5 menos).
- Sarria: 439 (28 menos).
- Triacastela: 20 (4 menos).
Centro da provincia
- A Fonsagrada: 68 positivos (8 máis).
- As Nogais: menos de 10 casos.
- Antas de Ulla: 23 (1 menos).
- Baleira: 18 (3 máis).
- Baralla: 59 (9 menos).
- Becerreá: 62 (8 máis).
- Castroverde 67 (5 máis).
- Cervantes: 14 (1 menos).
- Guntín: 60 (1 máis).
- Lugo: 2.972 (130 menos).
- Monterroso: 81 (3 máis).
- Navia de Suarna: 11.
- Negueira de Muñiz: Por debaixo de 10.
- O Corgo: 59 (2 menos).
- Palas de Rei: 69 (2 menos).
- Pedrafita: 11 (1 menos).
- Portomarín: 17 (3 menos).
- Ribeira de Piquín: menos de 10 casos.
Ribeira Sacra
- A Pobra do Brollón: 61 enfermos (7 máis).
- Bóveda: 19 (6 menos).
- Carballedo: 45 (1 máis).
- Chantada: 326 (2 máis).
- Folgoso do Courel: 12.
- Monforte: 430 (7 máis).
- O Saviñao: 48 (2 máis).
- Pantón: 53 (1 menos).
- Quiroga: 74 (4 menos).
- Ribas de Sil: 30 (3 menos).
- Sober: 34 (2 máis).
- Taboada: 49 (4 máis).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
