As xornadas xurídicas Román García Varela son un encontro entre xuristas que se celebran cada ano na vila sarriá. Esta viuse truncada no 2020 pola Covid obrigando así, a súa cancelación mentres, que no pasado ano, o 2021 a data de celebración foi aprazada ata outubro. Nesta última edición, o tema principal foi a igualdade de xénero no ámbito xurídico.
Neste senso, a celebración deste encontro, que cumpre a súa XV edición, terá lugar os días 3 e 4 de xuño e conta con 25 prazas para integrantes de calquera orden xurisdicional.
O tema principal desta nova edición será a intelixencia artificial e o dereito, un eido que está á orde do día e cada vez afecta máis tanto no ámbito privado como no público.
A dispoñibilidade de datos, o crecemento da capacidade informática e todos os avances do sector fixeron da intelixencia artificial unha tecnoloxía moi valiosa. Coa situación sanitaria dos últimos tempos, implantouse e normalizouse aínda máis, impulsando o seu desenvolvemento e o uso en case tódolos fogares, intercambiando datos, xerando novas rutinas profesionais e de formación baseadas nas novas tecnoloxías. Isto supón un risco para os dereitos fundamentais das persoas debido ao descoñecemento.
Neste encontro, o obxectivo principal é o de estudar a problemática e as conveniencias que supón a utilización das tecnoloxías, examinando os marcos legais e éticos.
ROMÁN GARCÍA VARELA
Román García Varela, maxistrado emérito da Sala Primeira do Tribunal Supremo, foi o creador destas xornadas xurídicas no ano 2007, tras o seu falecemento foron o seu fillo e o catedrático Carlos Lema Devesa os que continuaron coa organización e celebración das mesmas, contando coa colaboración do Concello de Sarria.
