O centro social da Vara acolleu na tarde do sábado 12 de febreiro a XIV tirada de bolos de Xove no que xogaron 26 participantes nunha tarde agradable e cun campo en boas condicións.
Na liga Sénior Masculina, Miguel López puxo a directa e vai como unha frecha directa á victoria, a conseguir o seu 3º entorchado consecutivo. Nestes momento, só Daniel Aqlonso, que afianza o segundo posto, lle está a facer algo de frente. Con 6 victorias nas 7 últimas tiradas, o resto de xogadores o ten moi difícil, por non decir imposible para seguirlle o ritmo.
A falta das tiradas de Sumoas, Morás e Vilachá, Miguel López é o claro favorito. Por detrás Daniel López a 13 puntos de Miguel, pero que, se Miguel sigue xogando así lle vai ser moi difícil recuperar a Daniel. Pola súa banda, Francisco Pérez, líder durante moitas xornadas, ocupa a 3º posición na táboa, pero que non se despiste, que Rafael González e Jordi Meitín veñen con forza por detrás.
No tocante á Sénior Feminina, Belén Meitín, ten prácticamente asegurado o subcampeonato xa que os 15 puntos que lle leva a Carmen Roca son demasiados para ser recuperados nas tres tiradas que restan. Pola súa parte, Carmen ten bastante consdolidada a súa 3º posición con 34 puntos, con 9 e 10 puntos de ventaxa sobre Concepción Piñeiro e Salomé Bermúdez respectivamente.
Nos pequenos da Sub 16 houbo unha nova victoria e mellor bolada de Xenxo Salgueiro que lle permite aumentar a súa renda sobre Christian a 7 puntos, difernza que xa empeza a ser peligrosa para Christian porque cada vez queda menos terreo para recuperar.
Pola súa banda, Naia Cancelos recortoulle un punto ao seu irmán Jordi, co cal son só 2 puntos o que os separa.
A próxima tirada vai celebrarse no Centro Social de Sumoas o vindeiro sábado 19 de febreiro de 2022.
Así, foron os resultados:
Sénior
Campión: Miguel López Formoso
Subcampión: Cristian Rodríguez Baño
Terceiro: Daniel Alonso López
Sénior maiores de 60
Campión: José González Rodríguez
Subcampión: Arturo Rodríguez Álvarez
Terceiro: José López Riveira
Sub16
Campión: Xenxo Salgueiro Franco
Subcampión: Christian Cociña González
Terceiro: Naia Cancelos López
Feminina
Campiona: Julia López Formoso
Subcampiona: Belén Meitín Rouco
Terceira: Salomé Bermúdez Ben
