Monterroso organiza un entroido cheo de actividades tanto para os maiores coma os máis pequenos. A programación destas festividade estenderase dende o sábado día 26 de febreiro ata o martes 1 de marzo.
Desta forma, o sábado 26 ás 17.30 dará comezo o entroido cun baile infantil na cúpula. Aquí, os máis pequenos poderá realizar obradoiros, bailes, xogos e algunha que outra sorpresa para manter a maxia da data. Esta xornada estará amenizada pola Charanga a Trapallada que desfilará polas rúas da vila.
O domingo 27 de febreiro ás 19.00 horas terá lugar o Festival Falcavisión na Cúpula. Esta actividade está organizada por Falcatrueiros. Trátase dun espectáculo único, diferente, divertido e cheo de música. Cos mellores éxitos da historia do televisivo Festival de Eurovisión.
O luns día 28 haberá un obradoiro de disfraces. A inscrición para participar nesta actividade terá que realizarse no Espazo Lorenzo Varela antes do día 25.
O día 1 de marzo pecharase o ciclo de actividades do entroido coa Feira do Entroido. Ás 17.30 horas terá lugar o concurso “Entroido na rúa” na cúpula. Para participar haberá que realizar a inscrición no Espazo Lorenzo Varela ou na web do Concello www.monterroso.es
