A anpa do CEIP Avelino Díaz de Meira organiza unha festa de Entroido para toda a rapazada e familiares que terá lugar o día 28, luns, a partir das 17.00 horas no pavillón municipal.
A organización ten prevista a realización de xogos para todos os nenos, que estarán agrupados por idades. Tamén está convocado un concurso de disfraces con premios nas categorías habituais, individual, parella e comparsas.
Seguirase o protocolo covid vixente para o acceso ao centro.
