Este sábado 5 de marzo, ás 19:30 horas, terá lugar en Vilalba o primeiro Recital do alumnado deste curso 2021-2022 da Escola Municipal de Música (Esmuvi)
Por mor de cuestións de organización e axenda dalgúns profes, neste concerto non poderá contarse coas actuacións dos pianistas e dos máis peques, pero haberá frautistas, clarinetistas, saxofonistas, trompetistas, trombonistas, guitarristas e percusionistas.
As entradas son gratuítas e podedes collelas con antelación na Casa da Cultura de Vilalba ou na web entradasvilalba.es, e tamén na taquilla do Auditorio Municipal Carmen Estévez o propio día do recital.
