8500 persoas visitaron, no primeiro cuatrimestre do ano, as instalacións do Vello Cárcere. Así o deu a coñecer a edil de Cultura, Turismo e Promoción da Lingua, Maite Ferreiro, quen informou da actividade acollida por estas instalacións culturais, nos catro primeiros meses do ano.
Maite Ferreiro explicou que “as instalacións do Vello Cárcere son un dos principais atractivos turísticos de Lugo, e desde a área de Cultura continuamos a fomentar que a veciñanza e as persoas que nos visitan se acheguen a esta instalación achegando distintas actividades culturais de calidade”.
En canto á programación, o cárcere acolleu 254 actividades culturais entre xaneiro e abril de 2022. Deste total, 191 corresponden á actividade propia do centro (173 obradoiros e 18 sesións dos distintos clubes de lectura). O resto de actividades correspóndense ás distintas actuacións escénicas (contacontos, concertos e actividades diversas como xornadas formativas ou conferencias), presentacións de libros, exposicións e concertos, chegando a 53 actos e 9 exposicións.
Entre os meses de xaneiro e abril, as instalacións recibiron 8474 visitantes en total, e as redes sociais do centro recibiron 154.949 visitas. “Continuamos a traballar en achegar propostas culturais de calidade para garantir que toda a veciñanza teña acceso a un ben de primeira necesidade como é a cultura e o coñecemento”, afirmou Maite Ferreiro.
