O programa de Cine na Rúa continuará en Navia de Suarna cunha nova proxección. Será o vindeiro mércores, 24 de agosto, ás 22.00 horas, na praza do Chao da Torre e proxectarase O noso último verán en Escocia.
A película trata sobre un matrimonio en crise que viaxa a Escocia con motivo do 75 aniversario do avó. Como está gravemente enfermo tratan de ocultar a súa difícil situación para que non lle afecte á saúde, pero non lles vai ser nada doado manter o segredo por mor dos seus tres falangueiros fillos.
