O concello de Folgoso do Courel celebrará o 1 de outubro a XV Festa da Solidariedade coas Persoas Maiores.
Tódalas persoas empadroadas de 65 ou máis anos recibirán ao longo deste mes a correspondente invitación por correo postal para poder asistir ao evento. Se por algunha circunstancia, algún veciño non a recibise, dende o concello trasladan que estarían igualmente convidados a participar.
O recinto que se habilitará para celebrar esta Festa da Solidariedade coas Persoas Maiores serán as instalacións do CPI Poeta Uxío Novoneyra.
A festividade será gratuíta e cada veciño poderá ir acompañado por unha persoa.
As inscricións deben realizarse antes do venres 30 de setembro nas oficinas do concello de Folgoso do Courel ou no teléfono 982 433 001 (débese confirmar se se desexa acudir no autobús que facilitará o propio concello).
O autobús será gratuíto e realizará as seguintes rutas:
– Pedrafita – Paderne – Miraz – Villasibil – Meiraos (aproximadamente ás 12.30 horas).
– Ferramulín – Visuña – Campelo – Mostaz – Esperante (aproximadamente ás 11.00 horas).
– Noceda – Piñeira – Seoane (aproximadamente ás 11.00 horas).
– Froxán – Vilamor – A Ponte de Valdomir – Folgoso – Ferreirós de Arriba (aproximadamente ás 11.00 horas).
