O Concello de Cervo materializou este venres a compra da finca anexa ao Museo Provincial do Mar por un valor de 161.175 euros, máis 2.520 euros en concepto de pago á persoa arrendataria da propiedade que se inclúe na compra.
Deste hoxe mesmo, polo tanto, esta parcela situada en pleno centro de San Ciprián cuxa superficie total que é de 2.568 m² para a ser un ben municipal.
Tal e como declarou o rexedor, Alfonso Villares, “hoxe é un día importante para Cervo, porque conseguimos o obxectivo polo que levamos pelexando todos moitos anos”.
Con esta adquisición, o Concello de Cervo demostra con feitos -engadiu Villares- a súa firme aposta pola cultura e o patrimonio “porque entendemos que todo o ese inmenso legado patrimonial que agocha o Museo do Mar de San Ciprián, que atesoura o corazón da historia mariñeira da comarca, merece un espazo axeitado acorde á súa inmesa valía”.
Con este paso tan importante que demos hoxe seguimos nese obxectivo de dignificar toda esa herdanza mariñeira que merece ocupar un lugar privilexiado para a súa divulgación, “tamén por respecto aos nosos antepasados e a toda esa xente que contribuíu a engrandecer o fondo documental e histórico do Museo, o museo público do mar máis antigo de Galicia.
