Serán José Ulla Rocha, Carlos Torres Lamas e José Antonio Abelleira (a título póstumo), os primeiros que reciben a distinción desde o 2001
O Belén de Begonte, con motivo do seu Cincuentenario, nomeará tres Socios de Honra que recibirán as súas distincións na xornada de clausura desta efeméride, o próximo 28 de xaneiro, no salón de actos do Centro cultural José Domínguez Guizán.
José Ulla Rocha, alcalde de Begonte, será Socio de Honra polo seu permanente apoio ao Belén e as súas actividades, contribuíndo de xeito continuo e decidido a fortalecer o papel desta cincuentenaria iniciativa en Begonte e en toda Galicia.
A Carlos Torres Lamas, do equipo técnico e de atención do Belén, noméase Socio de Honra pola colaboración de tantos anos e dedicación e entrega para que o Belén estea permanentemente vivo e aberto a todos.
E co título de Socio de Honra, lembrarase a José Antonio Abelleira, O alemán (así chamado por ter sido emigrante en Alemania), falecido en 2011, que durante moitos anos se encargou da parte eléctrica e electrónica da infraestructura do Belén begontino. A título póstumo, a súa familia recibirá este nomeamento.
Son estes os primeiros Socios de Honra que o Belén de Begonte nomea desde o ano 2001.
