O vindeiro 2 de febreiro impartirase no na parroquia vilalbesa de Corbelle unha xornada técnica sobre as novidades que se porán en marcha con motivo das axudas da PAC para o ano 2023.
A actividade está dirixida a gandeiros e agricultores e terá lugar na escola de Corbelle a partir das 21.00 horas.
Os encargados da exposición serán membros do Gabinete Técnico Agropecuario Terra Chá SLG. A sesión está organizada polo Monte Comunal Licenias e Toxoso así como a Asociación de Veciños de Corbelle.
