O debuxante e pintor ribadense Miguel Remior expón este días unha mostra na cafetería Mareta que inclúe 5 cadros de estilo realista pintados en acrílico, que reproducen parte da Torre dos Moreno, un coche antigo no Ribadeo Indiano, Ou Cargadeiro, A Vilavella e o escudo do edificio do xulgado de paz ribadense.
Miguel Remior Rodríguez, que vive en Ribadeo e é natural da parroquia ribadense de Covelas, comezou a súa faceta de artista plástico en 2010, por mor dunha baixa laboral de longa duración por un problema de saúde que tivo ese ano. “Naquel momento non tiña moito que facer e, como sempre me interesaba o debuxo, empecei a mirar titoriais en youtube e a informarme. Así empecei a debuxar e despois aos poucos fun derivando cara á pintura, coa que comecei en 2017, pero sen abandonar o debuxo. Sempre me gustaban as artes plásticas pero nunca tivera tempo nin existían os medios que hai agora para formarse a través internet sen ter estudos académicos, aínda que tamén aprendo de libros que compro”, explica o artista.
A propietaria de Mareta, Virginia Eceiza, comenta que os cadros de Miguel Remior expostos no establecemento chaman a atención a moitos clientes.
