A comisión de festas de Ferreira do Valadouro xa comezou cos preparativos da tradicional festa de setembro, as Festas do Oito, as patronais municipais na honra da Nosa Señora.
Así, polo momento comezaron a debullar algunhas das actuacións, e contarán xoves 7 de setembro coa actuación do Combo Dominicano e a discoteca móbil Conxuro, e o venres 8 será a quenda do grupo espectáculo Fusión e a presentación da orquestra Galilea.
Previsiblemente e coma outros anos, haberá misa solemne seguida de sesión vermú, pasacalles e actividades para os cativos.
