Os traballadores e as traballadoras de Corporación Alimentaria Peñasanta (CAPSA) voltaron este mércores a realizar paros e mobilizacións para reclamarlle á empresa que proceda a aplicar de inmediato a revisión salarial conforme ao IPC real, tal e como se estabelece no convenio colectivo.
Como en mércores pasados, a folga parcial desenvolveuse entre ás 13 e ás 15horas e durante este tempo o persoal concentrouse diante da factoría de Robra (Outeiro de Rei), chegando mesmo a cortar o tráfico na Nacional VI
Malia ao amplo seguimento que están tendo as xornadas de paro, até o momento non se produciron avances que permitan pechar o conflito xa que a empresa teima no seu incumprimento das garantías económicas recollidas no convenio.
