A Asociación de Veciños San Cosme de Nete vén de convocar unha nova actividade en colaboración co Deputación Provincial, entidade responsable da xestión das Reservas da Biosfera Terras do Miño e Os Ancares Lucenses e Montes de Cervantes, Navia e Becerreá.
Trátase dun curso de cociña de aproveitamento que estará a cargo de Miguel Ángel Díaz Fraga, cociñeiro do restaurante A Nova Ruta, con acreditada e recoñecida experiencia.
Cada día do curso cociñarase un menú consistente en primeiro, segundo e postre, procurando a utilización de produtos de proximidade e o máximo rendemento das materias primas empregadas, reducindo ou aproveitando os desperdicios e resíduos que se xeren.
As sesións terán lugar na Escola de Nete todos os xoves de 17.00 a 20.00 horas comezando o día 20 de abril e rematando o 8 de xuño.
O prezo do curso dependerá do número de asistentes, pero os socios terán un desconto como sempre. O prazo para anotarse é ata o 18 de abril e os interesados deben indicalo por mensaxe privada a través das redes sociais.
