Este martes 16 de maio, ás 12.00 horas, terá lugar, por primeira vez en Galicia, EDP Surf for tomorrow, unha actividade deportiva cuxo obxectivo é ofrecer o surf como ferramenta lúdica e integradora e fomentar o deporte e a vida saudable.
A primeira edición desta iniciativa en Galicia celebrarase en Foz, na praia da Rapadoira, e contará coa participación de Sensación Surf, cuxos monitores serán os encargados de realizar as actividades de surf así como os talleres de ioga para os participantes. A esta xornada asistirán 20 persoas con discapacidades intelectual pertencentes á Asociación Aspnais, de Lugo.
