A Asociación de Desenvolvemento Rural Serra do Courel presenta o cartel do CourelSon 2023, no que desde maio e ata agosto, varios grupos de música percorrerán as montañas do Courel.
A primeira cita é a do 13 de maio, en Vilamaior do Courel, coincidindo coa Feira da Artesanía. Nesta primeira cita, Mingo Balaguer e Pablo Sanpa inaugurarán o ciclo de jazz e blues na montaña.
A seguinte cita terá lugar o 3 de xuño na parroquia de Miraz, na que Abe Rábade e Davide Salvado serán os encargados de levar a cabo a posta en escena.
En xullo, o CourelSon irá ata Paderne, o 23, da man de Marcos Coll e Adrián Costa; e o 24, ata Vieiros, onde actuará Dúbida.
Por último, en agosto, o 4, Jarbis actuará en Mercurín, mentres que o 5 a parroquia de Seceda acollerá a música de Nastasia Zürcher and The Beauty Full Band.
