O Festival Matías López que se celebrou esta fin de semana en Sarria contou con diversas actividades nas que participaron veciños e veciñas de Sarria, así como persoas dos concellos lindantes e doutras comarcas.
Así, durante este evento houbo obradoiros para nenos, cholaterapia, degustación e venda de productos marcas galegas de chocolates; así como showcooking con chocolate, espectáculos de entretemento, concursos populares de sobremesas, actividades infantís, exposicións divulgativas e actividades para os estudantes e profesionais do sector.
Ademais, houbo conversas como a que protagonizou Xaime Félix Arlindo López Arias, mestre xubilado, avogado e historiador en activo de Sarria, presidente do Seminario de Estudos Sarriaos; quen recollerá a vida do chocolateiro Matías López nun libro cuxa coautoría comparte con Gregorio Sánchez Meco. O libro levará o nome de ‘O chocolateiro revolucionario’.
Da mesma maneira, os partidos políticos que se presentan á Alcaldía de Sarria participaron deste evento, desfrutando da gastronomía e do turismo sarriao. En concreto, o Partido Popular aproveitou para celebrar un coloquio co sector empresarial, no que participou Francisco Conde.
