Os xogadores cadetes do Ribeira FS completaron unha gran tempada facéndose co título de campións de España Clubs Futsal tras enfrontarse contra o FS Barcelona en Móstoles.
Durante o encontro, os de Lugo meteron seis goles, mentres que os de Barcelona apuntaron cinco, o que deu a vitoria definitiva desta competición nun apertadísimo e moi emocionante encontro.
Este duelo tivo lugar no Pavillón Municipal Villafontana ás 17.00 horas, despois de que o día anterior gañaran contra El Pozo Murcia cun 2-3 no mesmo campo de Móstoles.
Este título súmase ao de campión de liga na División de Honra Cadete, que arrebataron ao Burela no último partido da competición regular.