Este sábado, 17 de xuño, celébrase a Romaría Solidaria Vilar do Courel 2023 no campazo de Vilar co obxectivo de recuperar a aldea de Vilar do Courel e a súa contorna, polo que invitan a participar a todas as persoas interesadas.
Durante esta xornada, ademais de música, baile, polbo e churrasco; haberá un sorteo solidario no que todos os fondos recadados serán destinados á recuperación da aldea de Vilar.
Outra das actividades será a representación de instrumentos de música de raíz con Xabier Blanco, da Fundación Legar.
Os grupos colaboradores desta iniciativa son a Charanga Padre José, Nubeiro e Amigos de Lugo, Gaitas e Cantores do Caurel, Recantos e Amigos de Quiroga, Foliada de Bosende de Lugo, Os Corenta e Chinco da Pobra do Brollón e a Asociación Abrente das Nogais.
