Este venres, 30 de xuño, terá lugar a conferencia ‘Apuntamentos para a historia da parroquia de Santa María de Ferreira’ da man da historiadora Flora Enríquez e do filólogo e investigador Xosé Antón Palacio no marco das Xornadas da Rota do Románico de Pantón que comezaron o pasado 27 de xuño.
Esta actividade, que terá lugar no Salón de Actos da Casa da Cultura de Ferreira será a penúltima das organizadas polo Concello de Pantón para conmemorar a XXXIV edición destas xornadas culturais.
Así, a última iniciativa será a XI edición da Sinfonía no mosteiro, un concerto de Fisión Atlántica Esemble, con Luis Soto e Pablo Carpinteiro, que terá lugar no mosteiro cisterciense de Ferreira.
