Unha nova bolsa de emprego de auxiliares do Servizo de Axuda no Fogar (SAF) foi creada polo Concello da Pobra do Brollón co obxectivo de contratar temporalmente a persoas para realizar substitucións por ausencias de persoal debido a incapacidade laboral transitoria, permisos e licenzas.
“Na Pobra do Brollón temos un servizo de axuda no fogar reforzado que supera o esixido pola Xunta e con esta bolsa de emprego queremos seguir ofrecendo este servizo coas máximas garantías para o benestar e calidade de vida dos nosos veciños”, declarou o alcalde Xosé Lois Maceda.
As funcións a realizar para as persoas que opten á bolsa son as de atender no ámbito domestico, con actividades e tarefas no fogar, e de atención persoal, tipo compañía, hixiene persoal, acompañamento a xestións, mobilización dentro do fogar, etc.
A selección de persoal realízase mediante o sistema de concurso con valoración de méritos e as xornadas poden ser completas ou parciais, en función da praza que se cubra en substitución, pero para coñecer máis información, pódese acceder á sede electrónica do Concello, onde tamén se poden presentar as solicitudes ata o 10 de xullo.
