Taboada tamén celebrará a súa noite de San Xoán, da noite do 23 ao 24 de xuño de 2023 no campo da Feira a partir das 21.30 horas.
O evento comezará coa cea popular, que incluirá sardiñas, panceta, sobremesa e café para as persoas asistentes, que pagarán un prezo popular pola comida e pola bebida.
Xa ás 23.30 horas, farase o conxuro da queimada para que ás 00.00 horas do 24, se acenda a fogueira grande de San Xoán, animada polo grupo A.C. Os Rechouchíos.
