O alumnado do Ciclo Medio de Atención a Persoas en Situación de Dependencia do IES Xograr Afonso Gómez de Sarria levou a cabo o seu último proxecto: un lar funcional.
Esta iniciativa, en colaboración cos Polos Creativos e o Club de Ciencias do instituto, é un material deseñado e creado por eles para experimentar e adestrar os diferentes compoñentes funcionais que interfiren na realización das actividades.
Así, analizaron as distintas formas de agarre e pinzas, as destrezas manipulativas, o esquema corporal, a discriminación táctil, a precisión, a forza, a coordinación, a cognición e a integración bilateral.
