Xa están á venda as entradas para a edición V da Verbena Fest de Sarria, que terá lugar os vindeiros 4 e 5 de agosto e que trae varias novidades, como o novo escenario, a ‘carballeira do Meigallo’, que acollerá as actuacións de balde durante o día do sábado.
Nesta edición, as persoas que merquen a súa entrada, poderán deleitarse coa música de varios grupos musicais interesantes, como a do grupo monfortino Malenne, o grupo da Costa da Morte Duín, o grupo Kamikaze Helmets, ou o grupo The Rapants, que estiveron recentemente no Son do Camiño. Estes dous últimos, ademais, están confirmadas as súas actuacións para o día 5 de agosto no Meigallo.
Ademais das actuacións musicais, as persoas que participen desta edición poderán desfrutar de postos de gastronomía local, mercados artesanais, mercados solidarios e actividades para os cativos durante todo o festival.
