A fotógrafa meirega Catara Rego foi a gañadora do premio Descubrimentos Photo España 2023 polo seu proxecto Zona de Sacrificio.
Este galardón, que foi recibido xunto ao premio Photo España e tamén ao Mellor libro do Ano e Festival Off, ten como premio unha exposición durante a próxima edición do festival.
Catara Rego (Meira, 1996) é artista e deseñadora gráfica. O seu primeiro proxecto parte da investigación que levou a cabo para o Traballo Final de Grao, titúlase Galizia, un percorrido pola pegada no país despois da Segunda Guerra Mundial.
Zona de sacrificio é un percorrido por diferentes lugares de Galicia que se dedicaron á explotación dos recursos naturais, un proxecto en marcha que quere levar máis alá da fotografía. De feito, todos os traballos da artista contan cunha fase de investigación. Recompila información a través de artigos e libros, visita os lugares que fotografía e documenta os lugares escollidos despois.
Algunhas das imaxes son o Monte Neme, pero a gran parte do proxecto é todo realizado na zona da Terra Chá e da Mariña, onde vai constantemente.
A autora define esas zonas de sacrificio como áreas xeográficas, xeralmente de gran valor natural, destinadas a explotación e obtención dalgún tipo de recurso. Son lugares seleccionados para un fin económico, onde cuestións medioambientais e sociais quedan supeditadas a os intereses das grandes empresas.
