O IES Pedregal de Irimia de Meira continúa co seu proxecto de dedicar as súas aulas a mulleres relevantes da contorna. Así, esta semana inaugurouse a aula de música Susana Seivane, dedicada á popular gaiteira, que ten as súas raíces familiares nos concellos limítrofes da Pastoriza e Ribeira de Piquín.
A nova aula inaugurouse coincidindo coa celebración da festa de final de curso coa presenza da artista, que firmou autógrafos e descubriu a praca co seu nome.
Non faltou a música, na que improvisou xunto a algúns alumnos.
Esta é a cuarta sala con nome de muller, que empezou a facerse con Sonia Villapol, que preside o laboratorio do centro.
