TasteLab, en colaboración coa USC, traen a Lugo uno dos congresos de análise sensorial máis importante de Europa. Na súa pasada edición celebrada en Xirona anunciouse que Lugo será o lugar escollido para desenvolver o VI Congreso da Asociación Española de Profesionais da Análise Sensorial, que terá lugar en xuño de 2025.
Este tipo de congresos crecen en notabilidade ano tras ano, xa que a análise sensorial vólvese cada día máis relevante para o mercado en xeral debido a que permite entender a experiencia dos usuarios e consumidores de calquera produto, tanto é así que o 75% da industria europea alega dar uso da análise sensorial para probar os seus produtos antes de que saian ao mercado, o que se traduce nunha redución dos custos de produción e nun aumento das vendas ao poder entender mellor as novas cotas de mercado ás que se enfrontan.
Baixo esta premisa, TasteLab, xunto coa universidade compostelá, propuxéronse o reto de traer a Lugo por centos de empresas, investigadores e universidades de todos os puntos da xeografía, destacando tamén os centros de investigación como o CSIC.
O tema principal do evento será a fusión entre sentidos e tecnoloxía e é que AEPAS configúrase como unha organización que pretende achegar a análise sensorial a toda a sociedade. Da mesma forma, os congresos bianuais de AEPAS serven como punto de encontro para múltiples axentes do campo da análise sensorial, no cal se comparten tanto avances nas investigacións sensoriais, como posibles melloras da doutrina.
Con todo isto, TasteLab proponse facer de Lugo a capital da análise sensorial atraendo empresas e investigadores de todos os puntos do globo que achegarán recursos tanto económicos, como de investigación a toda a provincia.
