Héctor Corujo, o alcalde do Incio, recibiu a un grupo de mestras do IES Gregorio Fernández encargadas da mostra ‘A beleza simétrica na comarca de Sarria’, un traballo transversal durante o curso 2022-2023 do alumnado do centro.
Esta mostra está formada por fotografías, maquetas, trípticos, acuarelas, vídeo-documentario e textos que recollen as memorias de veciños e veciñas da comarca de Sarria, como a historia do barqueiro de Santa Marta do Loio, do Mosteiro de San Facundo De Ribas de Miño, da inglesa trasladada de Santa María de Ferreiros…
A exposición vai estar na sala de usos múltiples no Concello do Incio ata o 20 de xullo para quen queira achegarse e ver esta exposición a través da que o alumnado difunde o traballo feito ao longo desde curso académico 2022-2023 da man de diversos departamentos do centro.
