Real Filharmonía de Galicia. Fotografía de Flo Huber
O décimo Festival Bal y Gay afrontará este luns 21 de agosto o antepenúltimo concerto desta edición coa actuación do ascendente barítono alemán Konstantin Krimmel xunto ao pianista brasileiro Marcelo Amaral na Catedral de Mondoñedo (21.00 horas) con todas as entradas esgotadas.
O seu repertorio incluirá obras de Ralph Vaughan Williams, Hugo Wolf e Franz Schubert. Dous artistas de máximo nivel cun atractivo programa nun dos escenarios máis representativos do festival. Declarada Monumento Nacional en 1902, a Catedral Basílica da Asunción de Mondoñedo asombra a quen a visita. Cabe lembrar que será o lugar elixido, como cada ano, para finalizar este ‘Festival Bal y Gay 2023’ coa presenza da Orquestra Sinfónica de Galicia o vindeiro xoves 24 de agosto.
Konstantin Krimmel, de orixe xermana-romanés, recibiu a súa formación musical inicial no Coro de Nenos de St. Georg en Ulm. Cando aínda era estudante, desenvolveu un especial amor polo concerto e o repertorio de lied. Gañou numerosos concursos, incluíndo o primeiro premio no Concurso Internacional de Lied Helmut Deutsch e o segundo premio no Concurso Internacional de Canto Dás Lied en Heidelberg. Realizou recitais na Philharmonie de Colonia, na Deutsche Oper e a Konzerthaus de Berlín, na Ópera de Frankfurt, na Heidelberger Frühling, a Schubertíada e a Schubertiade Schwarzenberg, na Fundación March, no Wigmore Hall e no Oxford Lieder. Krimmel é membro da Ópera de Baviera, onde actuou en Così fan tutte (Guglielmo), Die Zauberflöte (Papageno), Ariadne auf Naxos (Harlekin), Thomas (Matthias) e Hanjo (Yoshio). Pola súa banda, o pianista brasileiro Marcelo Amaral estableceuse como un dos pianistas acompañantes máis solicitados a nivel internacional. De feito, The New York Times cualificoulle como un “acompañante de lied excepcional”.
PROGRAMACIÓN ‘FESTIVAL BAL Y GAY 2023’
- -Real Filharmonía de Galicia con Maximino Zumalave (día 10, Teatro Pastor Díaz de Viveiro)
- -Kebyart (día 12, Fortaleza de Alfoz)
- -Rocío Pérez (día 13, Auditorio Hernán Naval de Ribadeo)
- -Sara Ferrández (día 14, Iglesia de Lourenzá)
- -Maria João Pires (día 15, Auditorio Hernán Naval de Ribadeo)
- -Cuarteto Quiroga (día 16, Basílica de San Martiño de Foz)
- -Juan Pérez Floristán co seu Trío VibrArt (día 18, Pazo do Conde de Fontao de Foz)
- -Conrado Moya e Katarzyna Myćka (día 19, Fábrica de Sargadelos de Cervo)
- -Opera Omnia (día 20, Iglesia de Santiago de Foz)
- -Konstantin Krimmel (día 21, Catedral de Mondoñedo)
- -Quinteto Zoar (día 22, Benquerencia, Barreiros)
- -Orquestra Sinfónica de Galicia (día 24, Catedral de Mondoñedo)
