O Club Quixós impartiu durante este luns e martes, 6 e 7 de agosto, un curso de iniciación ao piragüismo no encoro de Vilasouto.
Organizado polo Concello do Incio, este curso tiña como obxectivo promover o deporte entre os máis pequenos do municipio, así como poñer en valor este recurso que ten o Concello.
Así foi que foron cubertas todas as prazas que se ofertaban para este curso, cunha participación de nenos e nenas pero tamén máis adultos, que fixeron da iniciativa un éxito.
