Este luns, martes e mércores, 14, e 15 e 16 de agosto, terán lugar as Festas en Trascastro, parroquia do Incio organizada polo Grupo de Veciños do Incio.
A xornada comezará o luns a partir das 21.30 horas cunha pancetada colectiva e un baile amenizado por Verónica Cambón.
Xa o martes ás 12.30 horas terá lugar a misa e a sesión vermú co DJ Óscar e xa pola tarde haberá festa amenizada polo Solista Paco a partir das 20.00 horas e ata as 23.00 horas.
Por último, o día 16 celebrarase a Romaría de San Roque na área recreativa da Fonte do Arnado a partir das 13.00 horas, amenizada polos Sabugueiros de Trascastro.
