O vindeiro sábado, 19 de agosto, terá lugar un mercado solidario promovido pola Asociación por la Protección Animal Huellas de Sarria co fin de recadar fondos para os animais.
Neste mercado, que estará exposto na explanada do antigo ambulatorio de Sarria, na Rúa Liberdade, de 12.00 a 20.00 horas, haberá roupa, obxectos vintage, artesanía e música.
Ademais, as entidades organizadoras, que son AGAE (Asociación Galega de Adopción de Exóticos), Michos de Lugo e Asociación Mau Lemos, tamén recollerán pienso, comida húmeda, chuches, heno, correas e area.
